Gen 45 | Ndebele | STEP | UJosefa-ke wayengelakuzibamba phambi kwabo ababemi laye, wamemeza wathi : Khuphani wonke umuntu asuke kimi. Futhi kwakungelamuntu owayemi laye lapho uJosefa eziveza kubafowabo.

f45:26, 41:43

g46:28,29,34, 47:1,4,6,27, 50:8, 47:11

h Zaga 20:13, 23:21, 30:9

i Seb 7:14

j Nani 18:12,29

l 2 Kho 5:5,23

m 43:34

n 2 Lan 11:23; Dan 4:12,21

o Hlab 4:4; Efe 4:26; Zaga 29:9; Hez 16:43

p 45:19,21, 46:5; Nani 7:3,6

Genesis 45

UJosefa uyaziveza kubafowabo

1 UJosefa-ke wayengelakuzibamba ^a phambi kwabo ababemi laye, wamemeza wathi: Khuphani wonke umuntu asuke kimi. Futhi kwakungelamuntu owayemi laye lapho uJosefa eziveza kubafowabo. 2 Wasephakamisa ilizwi lakhe ngokukhala, aze ezwa amaGibhithe, yezwa lendlu kaFaro. 3 UJosefa wasesithi kubafowabo: NginguJosefa ^b. Ubaba usaphila yini? Kodwa abafowabo kabaze bamphendula, ngoba besanganisekile phambi kwakhe. 4 UJosefa wasesithi kubafowabo: Ake lisondele kimi. Basondela-ke. Wasesithi: NginguJosefa umfowenu elamthengisa waya eGibhithe. 5 Khathesi-ke, lingadabuki, lingazithukutheleli ^{▼▼ lingazithukutheleli: Heb kakungabi lentukuthelo emehlweni enu.}, ukuthi langithengisa lapha, ngoba uNkulunkulu wangithuma phambi kwenu ukulondoloza impilo ^d. 6 Ngoba liminyaka emibili indlala iphakathi kwelizwe; njalo kuseleminyaka emihlanu okungayikulinywa kuvunwe ngayo ^e. 7 Njalo uNkulunkulu wangithuma phambi kwenu ukulimisela insali emhlabeni, lokuligcina liphila ngokukhulula okukhulu. 8 Khathesi-ke, lina alingithumelanga lapha, kodwa uNkulunkulu; wasengimisa ngaba nguyise kaFaro ^f, lenkosi yendlu yakhe yonke, lombusi elizweni lonke leGibhithe. 9 Phangisani lenyukele kubaba, lithi kuye: Itsho njalo indodana yakho uJosefa: UNkulunkulu ungimise inkosi yeGibhithe lonke; yehlela kimi, ungaphuzi; 10 uzahlala elizweni leGosheni ^g, ube seduze lami, wena labantwana bakho labantwana babantwabakho, lezimvu zakho lenkomo zakho, lakho konke olakho. 11 Njalo ngizakondla lapho, ngoba isekhona iminyaka emihlanu yendlala, hlezi ube ngumyanga, wena lendlu yakho lakho konke olakho ^h. 12 Khangelani-ke, amehlo enu ayabona, lamehlo omfowethu uBhenjamini, ukuthi umlomo wami ukhuluma kini. 13 Bikelani ubaba lonke udumo lwami eGibhithe, lakho konke elikubonileyo, liphangise lehlisele ubaba lapha ⁱ. 14 Wasewela entanyeni kaBhenjamini umfowabo, wakhala inyembezi; loBhenjamini wakhala inyembezi entanyeni yakhe. 15 Wasebanga bonke abafowabo, wakhala inyembezi phezu kwabo. Njalo emva kwalokhu abafowabo baxoxa laye.

16 Kwathi lelilizwi lizwakala endlini kaFaro lisithi, abafowabo bakaJosefa bafikile, kwaba kuhle emehlweni kaFaro lemehlweni enceku zakhe. 17 UFaro wasesithi kuJosefa: Tshela abafowenu uthi: Yenzani lokhu, yethwesani inyamazana zenu, lihambe liye elizweni leKhanani, 18 lithathe uyihlo lemizi yenu, libuye kimi; besengilinika okuhle kwelizwe leGibhithe, beselisidla amanono elizwe ^j. 19 Wena-ke usulayiwe; yenzani lokhu, zithatheleni elizweni leGibhithe izinqola zabantwanyana benu labomkenu, lithwale uyihlo libuye. 20 Futhi ilihlo lenu lingakhathaleli impahla zenu, ngoba okuhle kwelizwe lonke leGibhithe kungokwenu. 21 Asesenza njalo amadodana kaIsrayeli; uJosefa wasewanika izinqola njengokulaya ^{▼▼ ukulaya: Heb umlomo.} kukaFaro, wabanika umphako wendlela. 22 Wabanika bonke, kwaba ngulowo lalowo izembatho zokuntshintsha ^l; kodwa uBhenjamini wamnika inhlamvu zesiliva ezingamakhulu amathathu, lezembatho zokuntshintsha ezinhlanu ^m. 23 Wasethumela kuyise kanje, obabhemi abalitshumi, bethwele okwezinto ezinhle zeGibhithe, labobabhemikazi abalitshumi bethwele amabele lezinkwa lokudla kwendlela kukayise ⁿ. 24 Wasebathuma abafowabo bahamba. Wathi kibo: Lingaxabani endleleni ^o.

25 Basebesenyuka besuka eGibhithe, bafika elizweni leKhanani, kuJakobe uyise. 26 Bambikela besithi: UJosefa usaphila, njalo ungumbusi elizweni leGibhithe lonke. Inhliziyo yakhe yasiphela amandla, ngoba wayengabakholwa. 27 Basebemtshela wonke amazwi kaJosefa ayewatshilo kibo. Kwathi esezibonile izinqola uJosefa ayezithume ukumthwala ^p, umoya kaJakobe uyise wavuseleleka. 28 UIsrayeli wasesithi: Kwanele, uJosefa indodana yami usaphila; ngizahamba ngimbone ngingakafi.